Mediat greke, referuar edhe deklarimeve të avokatit, bëjnë të ditur se vrasja e 29-vjeçares shqiptare nga babai i saj në Korfuz ndodhi pas një sherri të çastit. Avokati i Aleko Petros, shqiptarit që goditi për vdekje me sende të forta vajzën e tij, natën e 2 janarit, ka saktësuar se klienti i tij, nuk ishte i dehur dhe krimin nuk e kreu me paramendim. “Vrasja nuk ishte e paramenduar dhe Aleko Petro nuk ishte nën efektin e alkoolit gjatë kryerjes së krimit. Pas debatit që kishin mes tyre, ai e goditi vajzën pas koke me një levë që ndodhej pranë sobës. Vajza u hodh nga dritarja nga lartësi 2 metra që të shpëtonte. Aleko e ndoqi dhe finalizoi aktin kriminal sepse i ishin errur sytë”. Avokati thotë se 52-vjeçari është penduar për krimin, qan vazhdimisht dhe nuk kërkon rrethana lehtësuese për krimin. Sipas avokatit, ngjarja e tmerrshme ndodhi nga dashuria e tepruar e babait për të bijën, ndërsa mohon se ngjarja ka motive raciste. Aleko Petro kundërshtonte lidhjen e të bijës me afganin vetëm sepse Anxhelina ishte larguar nga të afërmit prej nëntorit të 2017-ës. Avokati i 52 vjeçarit ka deklaruar se klienti i tij nuk është mirë nga gjendja psikologjike dhe se akoma nuk e ka kuptuar se çfarë ka bërë.
“Ai donte qe e bija të kthehej në shtëpi pasi ishte larguar që nga Nëntori i 2017. Ajo nuk pranoi kujdestarinë e tij dhe një gjë e tillë e nervozoi atë. Gjithçka ndodhi ishte në gjaknxehtësi e sipër. Pati një debat të ashpër që denigroi në vrasjen e 28 vjeçares. Shtypi ka shtrembëruar profilin e tij. Nuk është një njeri i dhunshëm nuk ka ushtruar asnjëherë dhunë ndaj të bijës. Jemi përpara tragjedisë familjare më të rëndë të 10 viteve të fundit. Gjendja e tij mendore dhe psikike nuk është e mirë dhe nuk do të ketë forcë për të përballur të gjithë këtë situatë deri tek gjyqi”.
