Manjola Cakoni është një nga të mbijetuarat e tërmetit që tronditi vendin në orët e para të mëngjesit të së martës. Ajo ka humbur në rrënoja të bijën 15 vjeç Drita dhe bashkëshortin, Kastriot Cakoni.
Saimira Baçi e motra e Manjola Cakonit, ka folur për TCH, ku thotë se motra e saj nuk e di për humbjen e të bijës dhe të bashkëshortit. Baçi tha se gjendja e të motrës është kritike, ndërsa shprehet se varrimi do të bëhet ditën e sotme.
“Varrimi bëhet sot në orën 1 por ajo nuk di gjë. Jemi shumë të vrarë dhe motrës nuk i kemi thënë gjë, gjendja e saj është kritike. Ajo ka dhe një djalë e vajzë në Angli që po qajnë ditë e natë. Jam shumë e vrarë nga kjo tragjedi që na mori 2 familjarë.
Ne nuk i kemi treguar asgjë, mjekët s’na thonë diçka konkrete, duhet të presim thonë”, tregon ajo.
