Nëna e Silvana Gushit, vajzës e cila humbi jetën së bashku me bashkëshortin dhe dy vajzat e saj në aksidentin tragjik disa ditë më parë, ka rrëfyer histori nga jeta e familjes.
Mes lotësh në emisionin me “Zemër të hapur” në News24, ajo tha se kishte 7 vite që nuk e kishte parë të bijën pasi ajo ishte martuar që 17 vjeç dhe ishte larguar për në Greqi.
Nëna e të ndjerës tregon se si e ndihmonte të bijën pasi nuk ishin në gjendje të mirë ekonomike, dhe se kishin borxhe. Sipas saj, familja po ktheheshin në Shqipëri për të shlyer borxhet.
“Kisha 7 vite pa e parë çupën, se u martua që 17 vjeçe dhe iku në Greqi. Unë, burri e djali morëm një kredi në emrin tonë dhe të dhëndrit, që të ndihmonim vajzën. Pas tre vitesh vajza e madhe na u sëmurë nga kërma, nuk punonte, ja ngrija unë tenxheren. Çfarë blija për vete, i blija vajzës.
Rrogën e burrit e shfrytëzoja për vete dhe për vajzën, se nuk kishte mundësi. Pas tre vitesh m’u sëmurë mbesa, Anastasia. I dhimbte këmba, ku nuk e çuam. E mori djali në Gjermani. Pastaj e çuam në Greqi. Vetëm për këtë, vajza shkoi në Greqi dhe vendosën të jetojnë atje. Vajza punoi një vit në një supermarket, pastronte dhe merrte 200 euro. Kishte shumë halle. Kishin borxhe. Tani do të lante 7 milionë lekë borxh. Çfarë më bëri ai, më vrau vajzën, dhëndrin dhe mbesat.
Mbesa e vogël ka lindur këtu, 6 vjet e kam mbajtur unë, pastaj vajti në Greqi dhe ishte e shkëlqyer me mësime. Dhëndrin e kisha shumë të mirë, më respektonte, nuk kishte djalë si ai. Edhe ata të dy shkonin shumë mirë. Vajza më thoshte “ai më rriti, se më mori që 17 vjeçe”.
Aq kemi hequr, kemi ndarë dhe një gotë ujë me vajzën. Nuk do të ketë për mua ilaç më, vetëm v dekje. Erdhi djali nga Gjermania se do bënte një patentë, një ditë më vonë do vinte vajza. Kur më thanë që v diqën, më iku truri. Mora burrin në telefon dhe pastaj nuk mbaj mend çfarë bëra”, tha nëna e të ndjerës.
