Categories Lajme

Florian Marku, shembulli që rrëzon rastin “Katsifa”: Krenar për Shqipërinë, por faleminderit grekëve

Kampioni i kickbox, Florian Marku ka dhënë mesazhe miqësie për dy vendet, Shqipërinë dhe Greqinë. Sportisti shqiptar, i cili ka jetuar dhe është stërvitur në Greqi për vite me radhë, thotë se është krenar që është nga Shqipëria, por shton se do të jetë gjithmonë mirënjohës ndaj grekëve që e ndihmuan të realizonte ëndrrën e tij.

Në një intervistë për portalin grek “gazzetta.gr”, Florian Marku thotë se një person nuk mundet që të prishë miqësinë mes dy popujve, duke iu referuar vrasjes nga policia të minoritarit grek Kostandino Kaçifa.

Prej sa vitesh jetoni në Greqi? A keni ndeshur ndonjëherë me racizëm ndaj jush? Cilat janë përvojat me miqtë tuaj?

Florian Marku: Unë jam nga Shqipëria. Nuk kam hasur kurrë në racizëm, kam qenë gjithmonë i mirëpritur në Greqi dhe Austri. Unë u rrita në Greqi. Familja ime jeton këtu. Kam filluar kampionatin në Greqi me mësues grekë, që janë si familja ime. Kurrë nuk e kam ndierë në Greqi faktin që jam nga një vend tjetër.

Me ndeshjet tuaja në kickbox, mendoni se do të bashkoni dy popujt?

Florian Marku: Ky është gjithmonë motivi im, t’u tregoj të gjithëve se nuk kemi asgjë për të ndarë. Kjo është dhe arsyeja pse unë ngre në ring dy flamujt (atë shqiptar dhe atë grek) pas një fitoreje.

Çfarë mesazhi doni të përcillni?

Florian Marku: Jam i lumtur që shumë grekë më kanë mbështetur në këtë rrugë. I falenderoj dhe u shpreh mirënjohjen time. Në Shqipëri ne kemi mësuar që të mos jemi mosmirënjohës ndaj atyre që na kanë ndihmuar, prandaj vazhdoj t’i falenderoj ata dhe të ngre flamurin shqiptar dhe grek.

Janë thënë deklarata ekstremiste për incidentin që ndodhi me minoritarin grek i cili u vra. Cila është pikëpamja juaj?

Florian Marku: Një shtet nuk mund të varet nga një person i vetëm dhe të ndryshojë mendimi i gjithë shoqërisë. Rrjedha e viteve ka treguar se ne jemi të kënaqur me njëri-tjetrin dhe nuk ka racizëm.

Mundet sporti të luftojë racizmin?

Florian Marku: Sporti mund të ndryshojë shumë gjëra dhe të ndikojë pozitivisht në një situatë.

A janë forcuar marrëdhëniet mes dy vendeve përgjatë viteve?

Florian Marku: Unë besoj se po. Unë jam nga Shqipëria, jam krenar për këtë, por nuk do të rresht kurrë së falenderuari Greqinë./Klan.al

Leave a Reply

Your email address will not be published. Required fields are marked *

Lexoni Gjithashtu

Categories Lajme

FOTO/ Shpërthimi me tritol në banesën e Ilir Koçiljas. Ja çfarë mesazhi u gjet në murin e shtëpisë

Një shpërthim tritoli tronditi qytetin e Durrësit mbrëmjen e së hënës. Banesës së Ilir Koçiljas,…

LEXO ME SHUME
Categories Lajme

Lezhë/ Apeli lë në fuqi pezullimin e kreut të Kadastrës dhe përgjegjësit të Legalizimeve

Gjykata e Apelit ka lënë në fuqi pezullimin nga detyra të Drejtorit të Agjencisë së…

LEXO ME SHUME
Categories Lajme

Tiranë,Kapet dhe vihet në pranga një 45-vjeçar që posedonte armë zjarri, me qëllim shitjen

Tiranë, Në zbatim të masave të përcaktuara në planin operacional mbarëkombëtar “Sundimi i ligjit”, u…

LEXO ME SHUME
Categories Lajme

U zbulua në përgjimet e “SKY” me mbretin e lojërave të fatit, arrestohet në Dubai Denis Bajri Brajoviç

Është arrestuar në Dubai shtetasi Denis Bajri Brajoviç, i cili ishte shpallur në kërkim për…

LEXO ME SHUME
Categories Lajme

Masakra e “Don Boskos”, gazetari jep detaje: Si e largoi punonjësi i karotrecit vrasësin

Gazetari Eni Ferhati ka treguar dinamikën e vrasjes së Erion Çelës në Don Bosko, e…

LEXO ME SHUME