Kreu i PD-së Lulzim Basha ka reaguar pas publikimit të raportit të FMN-së i cili paral;ajmëronte qeverinë shqiptare se mund të mbeste pa para për shkak të rritjes së borxhit. Basha shkruan në Facebook, se ky raport konfirmon deklaratat e vazhdueshme të bëra nga ana e opozitës, se Shqipëria është një nga vendet që ka ndihmuar më pak bizneset dhe rimëkëmbjen ekonomike, gjatë periudhës së pandemisë së shkaktuar nga Covid 19.
Postimi i plotë i Bashës: Konfirmon atë që ne i kemi kërkuar qeverisë Rama për muaj me radhë: të japë më shumë ndihmë financiare familjeve shqiptare. Fondi Monetar Ndërkombëtar publikoi një raport kritik mbi situatën ekonomike në Shqipëri. Raporti konfirmon atë që ne i kemi kërkuar qeverisë Rama për muaj me radhë: të japë më shumë ndihmë financiare familjeve shqiptare.
Raporti thekson: “Paketat e mbështetjes COVID-19 të Shqipërisë janë më të vogla se mesatarja e atyre në tregjet në zhvillim dhe Ballkanin Perëndimor”. Shqipëria është ndër vendet që ofrojnë ndihmën më të vogël ekonomike për qytetarët! Qytetarët shqiptarë meritojnë më shumë. Shqipëria meriton një qeveri që kujdeset për njerëzit dhe jo për veten e vet. Për ta lexuar të plotë lajmin mbi raportin e FMN-së dhe kritikat ndaj qeverisë shqiptare klikoni KËTU.
