Pas disa orësh përpjekje, forcat RENEA kanë nxjerrë nga humnera trupin e pajetë të biznesmenit, Ruzhdi Hoxha, i cili prej 15 ditësh ishte shpallur i zhdukur.
Trupi i pajetë u gjet ne Qafe Molle, ndersa pasi u nxorm ai u dërgua në morg dhe pritet ti nënshtrohet autopsisë.
Policia e Tiranës njoftoi se ka mbledhur prova të cilat i bëjnë të ngrenë akuzën ndaj shtetasit Fredi Rrushi, si autori i vrasjes së biznesmenit Ruzhdi Hoxha.
“Si rezultat i punës hetimore të kryer nga Strukturat Hetimore të DVP Tiranë, është bërë e mundur zbardhja e autorësisë së kësaj ngjarje, ku dyshohet se shtetasi Fredi Rrushi, i arrestuar më datë 26 tetor 2021 nga DVP Tiranë, si person i shpallur në kërkim ndërkombëtar nga autoritetet ligjzbatuese italiane për veprën penale të trafikimit të narkotikëve, është autor i dyshuar i kësaj ngjarjeje”, tha policia zyrtarisht pas gjetjes së trupit të pajetë të biznesmenit prapa Malit të Dajtit.
Biznesmeni u gjet mëngjesin e të shtunës i vrarë dhe i mbuluar me zhavor e gurë në Qafë-Mollë , mbrapa Dajtit, në një greminë.
“Si rezultat i kërkimeve dhe punës hetimore 10 ditore të bërë nga grupi hetimor në Sektorin për Krimet e Rënda në DVP Tiranë u bë e mundur grumbulllimi i provave për autorësinë e kësaj ngjarje dhe mesditën e djeshme si rezultat i kërkimeve, shërbimet e policisë bënë të mundur që në zonën e Dajtit të gjenin një xhup ku pas verifikimeve rezultoi se i përkiste shtetasit Ruzhdi Hoxha.
Nisur nga gjithë provat e grumbulluara, paraditen e sotme, Strukturat Hetimore të DVP Tiranë, Komisariati i Policisë Nr.4, Forcat Shqiponja, Fnsh dhe Instituti i qenëve të Policisë nën koordinimin e Departamentit të Policisë Kriminale dhe Departamentit për Sigurinë në Drejtorinë e Përgjithshme të Policisë së Shtetit u zhvillua një operacion kërkimi masiv në të gjithë zonën e Dajtit”, tha Policia.
