Një aksident ka ndodhur mbrëmjen e sotme në aksin Sarandë-Delvinë, në vendin e quajtur kthesa e Karahaxhit.
Mësohet se një mjet tip “Ford Fiesta” me drejtues shtetasin Elton Basho i ka prerë rrugën një mjeti “Benz” dhe për pasojë ka përfunduar në kanal. Nga kontrolli i ushtruar nga policia, rezultoi se 38-vjeçari po drejtonte mjetin në gjendje të dehur dhe nga testi i bërë doli me një sasi prej 1.23 mg/l, si edhe pa leje drejtimi. Pasi u njoftua, policia mbërriti menjëherë në vendngjarje dhe po punon për të zbardhur rrethanat e plota të aksidentit.
