Ministri i Mbrojtjes Niko Peleshi, përmes një reagimi në rrjetet social ka ndarë pamje të punës intensive të zjarrfikësve përballë flakëve në malin Shpirag, në Berat.
Sipas Peleshit, “janê 50 trupa të FA, 5 mjete dhe helikopteri Cougar vijojnë angazhimin prej natës së mbrëmshme në shuarjen e flakëve në malin Shpirag të Beratit, ku zjarri mori përmasa të mëdha.
Puna nga terreni e ajri vazhdon për të vënë në kontroll përhapjen e flakëve të cilat u favorizuan nga era dhe temperaturat e larta”, thekson Peleshi
“Situata është e vështirë për shkak të terrenit por operacioni i Forcave të Armatosura do të vazhdojë me intensitet për të eliminuar plotësisht çdo vatër. Do bëjmë të pamundurën për të ruajtur pasurinë tonë kombëtare!”, përfundon Peleshi.
