Ka nisur heqja e dyerve të blinduara nga selia e Partisë Demokratike të cilat ishin montuar nga ish-kryetari Lulzim Basha.
Kati i parë i PD ka qenë i fortifikuar me dyer të blinduara, për të mos lejuar anëtarët e partisë që të futeshin brenda apo dhe të ngjiteshin në katin e dytë.
Dyert e blinduara u vendosën para datës 8 janar, protestës së demokratëve për marrjen e selisë dhe largimin e Lulzim Bashës, i shkarkuar nga Kuvendi i 11 dhjetorit.
Kujtojmë se një ditë më parë, Komisioni i Rithemelimit me në krye liderin historik të PD, Sali Berisha u futën në selinë blu.
Po në të njëjtën ditë Gjykata Civile e Tiranës miratoi statutin e Kuvendit të 11 dhjetorit duke legjitimuar drejtimin e PD nga Komisioni i Rithemelimit.
