Kreu i KQZ-së, Ilirjan Celibashi, dhe nënkomisonerja Lealba Pelinku kanë zhvilluar mesditën e sotme një takim me ambasadoren e SHBA-së, Yuri Kim. Takimi kishte në fokus punën e KQZ-së për zgjedhjet e 25 prillit. ‘Masat për parandalimin e shitblerjes së votës & mashtrimit në zgjedhje’, ishin në fokusin e këtij takimi, shkruan kreu i KQZ-së në Twitter.
Postimi i plotë në Twitter: Identifikimi biometrik, votimi elektronik, lista e zgjedhësve, dokumentet e identifikimit, dekriminalizimi, masat për parandalimin e shitblerjes së votës & mashtrimit në zgjedhje, patën fokusin e diskutimit me Ambasadoren e SHBA, Yuri Kim në takim e sotëm në KQZ. Së bashku me Nënkomisioneren Pleniku prezantuam ecurinë e përgatitjeve për zgjedhjet e 25 prillit 2021. Krijimi i besimit të të gjithë aktorëve në integritetin e procesit zgjedhor, sfidë për KQZ.
