Fotografi i njohur, David Guerrero numëron miliona klikime në videot artistike dhe portretet që realizon. Puna e tij bazohet në New York dhe së fundmi ai, ndërsa ndalonte persona të zakonshëm në rrugë për t’i fotografuar, ka hasur një vajzë shqiptare.
Guerrero ndaloi në rrugët e qytetit amerikan vajzën të quajtur Fjolla Arifi, të cilën në veçanti e komplimentoi për emrin e saj, duke shkuar: “Një prej emrave më të mirë që kam rastisur”.
Video ku fotografi i realizon një fotosesion vajzës shqiptare është publikuar në kanalin e tij zyrtar tashmë numëron miliona klikime dhe është kthyer ndër pesë videot më virale të tij.
Fjolla që u bë rastësisht pjesë e një fotosesioni është një modele dhe blogere, e cila numëron mbi 200 mijë ndjekës në llogarinë e saj në Instagram.
Në biografinë e saj të vendosur në Instagram, Fjolla tregon se krahas punës si modele ajo është edhe autore që ka në fokus shëndetin mendor.
