Thethi është një mrekulli turistike e vizituar nga shumë të huaj nga thuajse cdo vend i botës, por vetëm në Shqipëri duket se nuk ia dinë vlerat.
Që pas 30 Qershorit kompania e kontraktuar nga Bashkia Shkodër nuk ka shkuar të pastrojë koshat e mbeturinave, shkruan gazetari i Report Tv Artan Hoxha, teksa në faqen e tij në Facebook ka publikuar edhe fotot.
Gati një muaj plot që Thethi nuk pastrohet nga mbetjet e bëra pirg edhe pse kjo zonë turistike i paguan bashkisë së Shkodrës taksën e pastrimit.
Bujtinat dhe lokalet paguajnë deri dhe mbi 25 mijë lekë në vit edhe pse 6-7 muaj në vit Thethi bllokohet prej dëborës dhe atëherë kur kanë nevojë për pastrimin, në muajt e verës nuk e marrin këtë shërbim.
Hoxha e mbyll postimin duke kërkuar marrjen e masave për të shpëtuar produktin turistik që i ka dalë era, përpara se ambasadori Soreca të shkoj në aktivitetin e financuar me taksat e BE-se ne datat 2-3-4 gusht ne Theth për Za Fest-in.