Artur Abazaj është 56-vjeçari nga Berati i cili humbi jetën mbrëmjen e kaluar pasi u përplas për vdekje nga një automjet. Mësohet se 56-vjeçari i cili punonte në një fasoneri po kalonte vijat e bardha për të pritur autobusin kur u përplas nga një makinë që vinte me shpejtësi shumë të madhe. Në kamerat e sigurisë mund të shihet se mjeti që goditi për vdekje Abazaj ka qenë një fuoristradë e zezë e cila është larguar menjëherë nga vendngjarja.
Dëshmitarët kanë treguar në polici se makina që përplasi 56-vjeçarin e ka tërhequr zvarrë për disa metra dhe më pas është larguar. Policia ka sekuestruar pamjet filmike të bizneseve në anë të rrugës dhe po punon për identifikimin dhe kapjen e autorit.
