Kur u hap dy vite me pare, ky gjimnaz, në Torovicë të Lezhës u kthye ne shprese për banorët e zonës. Ata u gezuan sepse mori fund m akthi qe dikur detyroheshin t’i dërgonin fëmijët e tyre disa kilometra larg vendit ku banonin. Por nuk zgjati shumë dhe gjimnazi u mbyll këtë vit për shkak të numrit të ulët të nxënësve. Arsyeja është vetëm një, ajo e emigrimit drejt vendeve të tjera për një jetesë më të mirë. Në shkollën e Torovicës kanë mbetur shumë pak nxënës, ku gjatë komunikimit me ta, këta të fundit kërkojnë rihapjen e gjimnazit, pasi mundësitë e kësaj zone për t’i dërguar fëmijët në shkollat e tjera janë të pakta. Mbyllja e gjimnazit të Torovicës mund të rishfaqë sërish probleme sociale, siç janë martesat e vajzave në moshë të vogël.
Categories
Lajme
