Franca po zgjeron perimetrin e sigurisë rreth centraleve të saj bërthamore dhe do të shpërndajë tableta jodi falas për të mbrojtur tiroidet ndaj elementeve radioaktive për rreth 2.2 milion njerëz që jetojnë pranë termocentraleve bërthamore
Agjensia rregullatore bërthamore e vendit, ASN, njoftoi të martën se njerëzit që jetojnë në një zonë midis 10 dhe 20 km nga një prej 19 termocentralet bërthamore të EDF – përfshirë 200,000 institucione, përfshirë shkollat, do të marrin një letër në të cilën udhëzimet do të jepen në farmacinë më të afërt, ku mund të marrin tabletat.
Para këtij zgjerimi, Franca shpërndau tableta jodi vetëm për të gjithë ata që jetonin brenda një rreze 10 km të një termocentrali bërthamor.
Gjatë aksidenteve bërthamore, jodi radioaktiv lëshohet në atmosferë.Nëse thithet ose gëlltitet nga gjëndra tiroide, mund të shkaktojë shfaqen e tumoreve vitet e mëvonshme. Kur gjëndra tiroide është e ngopur me jod të qëndrueshëm, ajo nuk thith më jodin radioaktiv.
ASN ka bërë të ditur se në rast të një aksidenti bërthamor është e nevojshme që francezët të kërkojnë strehim në ndërtesa
Franca është kombi më i varur në botë nga termocentralet bërthamorë. Tre të katërtat e energjisë elektrike prodhohet nga 58 reaktorë bërthamorë shtetëror EDF në 19 termocentrale në të gjithë vendin.
