Organizata Botërore e Shëndetësisë ka dhënë alarmin: Gjasat për një epidemi globale po rriten dita-ditës dhe bota nuk është e përgatitur për to.
Raporti alarmant i hartuar nga një panel ekspertësh dhe zyrtarësh ndërkombëtarë të shëndetit, shkruan dhe për rrezikun që bart në vetvete kjo situatë, duke sjellë si shembull epideminë e gripit të vitit 1918.
“Katastrofa e dikurshme e gripit vrau rreth 50 milionë vetë, por nëse një infeksion i ngjashëm do të ndodhte sot, do të shkaktonte rreth 80 milionë viktima”- thuhet në dokumentin e specialistëve të shëndetit.
Bota, paralajmëron OBSH, nuk është e përgatitur për diçka të tillë.
“Për një kohë të gjatë, ne kemi lejuar neglizhence kur vjen fjala tek pandemitë. Përpjekjet tona i shtojmë vetëm kur kur përballemi me një kërcënim serioz”
Në periudhën e viteve 2011 dhe 2018, OBSH regjistroi 1,483 epidemi në mbarë botën.
