Ish-kryeministri Sali Berisha ka zbardhur emrat e kandidatëve për postin e Sekretarit të Përgjithshëm, Sekretariatet dhe nënkryetarët.
Sali Berisha: Kryesia miratoi propozimet e bëra në përputhje me statutin nga kryetari i saj për nënkryetarët dhe sekretarin e përgjithshëm të PD, dhe sekretariatet e kësaj partie.
Për nënkryetarët, për dy vende u propozuan Agron Shehaj, Belind Këlliçi, Oerd Bylykbashi dhe Luciano Boçi.
Kurse për Sekretar të Përgjithshëm, Flamur Nokaj dhe Arben Ristani. Jo pa keqardhje them se një nga nënkryetarët duhet të ishte padiskutim zonjë. Por u vendos që Kuvendin e Parë që do të thirret Statuti të përcaktojë 1/3 e këtij forumi në nivelin më të lartë të jetë nga zonjat.
Tek sekretariatet dominojnë gra dhe vajza shumë të kualifikuara, prurje të reja në PD, por edhe drejtues të vjetër.
