Një i ri shqiptar u gjeti i pajë pasditen e së premtes në një parking, në afërsi të stadiumit Calini, në Genova të Italisë. Bëhet fjalë për një student 20-vjeçar, i cili jetonte prej vitesh në Itali. Ai mësohet se jetonte në Teglia, megjithatë mediat fqinje nuk e bëjnë të ditur emrin e tij.
Trupi i pajetë i të riut u gjet nga kalimtarë të rastit, të cilët njoftuan shërbimet e emergjencës. Fatkeqësisht për të të nuk qe e mundur të bëhej asgjë. Dyshimet e para janë se vdekja e 20-vjeçarit mund të ketë qenë aksidentale. Ai dyshohet se ka rënë nga një portë me kangjella, nga rreth 4 metra lartësi. Kjo pasi këmisha që ai mbante veshur ishte e grisur që sugjeron se është kapur gjatë rënies.
Megjithatë mediat fqinje shkruajnë se nuk përjashtohet mundësia që i riu të jetë vetëhedhur. Për ngjarjen e rëndë autoritetet italiane vijojnë hetimet. /tvklan.al
