Një trup i pajetë është gjetur mëngjesin e sotëm në plazhin e ri në Vlorë. Ende nuk dihet identiteti i viktimës.
Sakaq, policia është në vendngjarje dhe ende nuk e ka nxjerrë trupin nga uji. Siç raportohet, personi i mbytur është një grua.
Megjithatë pritet të bëhet autopsia për të nxjerrë shkakun e vërtetë të kësaj ngjarjeje.
Njoftimi i Policisë:
Vlorë/Informacion paraprak
Sot, në lagjen “Uji i Ftohtë”, dyshohet se është mbytur aksidentalisht në det, një shtetase ende e paidentifikuar.
Grupi hetimor po punon për sqarimin e plotë të rrethanave të ngjarjes dhe për identifikimin e shtetases që ka humbur jetën.
