Gjermania ka arritur një rekord të ri nga koronavirusi gjatë 24 orëve të fundit. Sipas Institutit Robert Koch në Berlin, Covuidi ka marrë jetën e 1,129 pacientëve të infektuar duke e cuar në 32.107 totalin e jetëve të humbura. Këto shifra të larta mund të bëjnë qeverinë gjermane që të marrë masa të rrepta izolimi për të shmangur përhapjen e sëmundjes. Ministri gjerman i Shëndetësisë, Jens Spahn foli me tone të hidhura për numrin e viktimave gjatë 24 orëve të fundit.
“Sot Gjermania ka 1,129 viktima të koronavirusit: është një numër që na tregon se fatkeqësisht jemi akoma larg normalitetit. Vaksinat janë çelësi për të dalë nga pandemia, për t’u kthyer në jetën tonë të dikurshme” tha ai gjatë një konference shtypi.
Bllokimi, që supozohej të përfundonte në 10 janar, mund të zgjatet për dy ose tre javë të tjera, raporton “Bild”, duke dhënë lajme për planin mbi të cilin po punojnë Angela Merkel dhe ministrat e presidentëve të Landeve, në funksion të samitit në 5 janar. Sipas këtyre zërave, gjithçka do të mbyllej deri në 24 apo edhe 31 Janar. Ekziston një mosmarrëveshje e madhe midis rajoneve për shkollat.
