Presideni i Shqipërisë, Ilir Meta gjatë një vizite zyrtare në Kosovë, ndaloi edhe në Gjilan, ku shkoi për ngushëllim në familjen Abazi. Kjo familje humbi 2 djemtë gjatë tërmetit tragjik më 26 nëntor. Pas shprehjes së ngushëllimeve të atit dhe familjarëve të tjerë, Kreu i Shtetit tha se do të jetë gjithmonë pranë familjes Abazi. ”Sot në Gjilan për t’u shprehur ngushëllimet dhe për të ndarë dhimbjen me familjen Abazi. Thellësisht i prekur nga humbja e jetës së vëllezërve Shemsedin dhe Isa Abazi nga tërmeti që goditi Shqipërinë në 26 nëntor. Do të jemi gjithmonë pranë familjes Abazi”,-shkruan në një postim Presidenti i Shqipërisë. Dy vëllezërit kishin ardhur për të punuar në qytetin e Durrësit, por nuk e dinin se ky do të ishte udhëtimi i tyre i fundit në Shqipëri. Trupat e dy vëllezërve, Shemsedin dhe Isa Abazi u nxorrën të pajetë nga rrënojat e një hoteli në qytetin bregdetar. Ata kanë lënë pas 6 fëmijë jetimë.
Mesazhi i plotë i Presidenti Meta Sot në Gjilan për t’u shprehur ngushëllimet dhe për të ndarë dhimbjen me familjen Abazi. Thellësisht i prekur nga humbja e jetës së vëllezërve Shemsedin dhe Isa Abazi nga tërmeti që goditi Shqipërinë në 26 nëntor. Do të jemi gjithmonë pranë familjes Abazi!
