Gazetarja Aida Topalli ishte e ftuar këtë të shtunë në Euronews Albania, ku foli në lidhje me videoskandalin e ish-kryebashkiakut të Kukësit, Safet Gjici.

Topalli u ndal te vajza e cila ishte në videon intime me ish-kryebashkiakun, të cilën e cilësoi si një personazh të njohur në bërjen e shantazheve përmes videove erotike.

Ajo tha se gruaja është e njohur në zonën e Durrësit dhe përpara disa javësh ka një tjetër denoncim në komisariatin numër 2 për një vepër tjetër të ngjashme me rastin e Kukësit.

Sipas gazetares gruaja piketon pushtetarë lokal ose qendror, për të kryer marrëdhënie seksuale dhe për t’i shantazhuar më pas me video intime.

“Vajza në video nuk është një punonjëse e bashkisë së Kukësit, ne kemi arritur ta mësojmë identitetin, por për arsye etike nuk mund ta bëjmë publike. Meqënëse është dhe nënë fëmijësh preferojmë të mos ia themi emrin e plotë. Megjithatë më duhet të jap disa detaje. Zonja në fjalë është e njohur nga organet ligjzbatuese për bëma të tjera të tilla. Vetëm dy muaj më parë ajo ka një regjistrim në komisariatin e policisë numër 2 për një vepër të tillë të ngjashme. Por ndërkohë në Durrës ajo njihet më tepër. Në shumicën e rasteve ajo gjuan dhe piketon zyrtarë shtetërore, lokal apo qendror.

Ekziston dhe një mit i hidhur në Durrës për një ngjarje të rëndë, kur organet ligjzbatuese të hetojnë të shkuarën e vajzës, ndoshta mund të zbulojnë dhe detaje rrëqethëse dhe shumë të rënda. Nuk mund të them nëse kjo është një organizatore apo zbatuese e atye planeve. Referuar të shkuarës dhe personave që piketon nuk mund të jetë organizatore, është dikush tjetër që qëndron prapa saj për t’i krijuar lidhjet, për t’i bërë video dhe për t’i bërë shantazh zyrtarëve.

Janë të shumta videot e pushtetarëve që qarkullojnë që janë bërë në mënyra të tilla për t’i bërë santazhe apo për t’i eliminuar nga skena politike”, tha Topalli

E ftuar në Euronews Alvbania, Topalli theksoi se gruaja që shihet duke kryer marrëdhënie me kryebashkiakun e Kukësit është një personazh i njohur për shantazhimin me video intime të zyrtarëve shtetëror.

Ajo tha se gruaja është nga Berati, por banon në Durrës. Madje shtoi se është nënë e një fëmije dhe për arsye etike nuk mund t’ia bëj dot publik emrin.

Topalli theksoi se SPAK duhet të hetojë dhe vdekjen e një zyrtari të lartë në pushtetin lokal në Durrës disa muaj më parë, i cili gjithashtu mund të ketë lidhje me formën e shantazhit përmes videove seksuale.

“Nga persona që kanë punuar në Durrës në organe shtetërore, si mit është i krijuar dhe siç thotë ajo shprehja “ku ka zë nuk është pa gjë”. Ndoshta SPAK apo organet e tjera ndoshta duhet të marrin një indicie për të rihetuar një humbje jete të ndodhur në qytetin e Durrësit të një ish-funksionari të lartë lokal në bashki. Pastaj kjo mbetet për tu parë.

Zonja është nga Berati, por më është thënë që kjo grua është marrë historikisht me bëma të tilla. Është nga Berati, është nënë e një fëmije dhe jeton në Durrës me një të shkuar të errët me raste të ngjashme”, tha Topalli