GJKKO ka pranuar kërkesën e SPAK dhe ka caktuar masën e sigurisë “arrest me burg” për mjekun e QSUT, Edvin Prifti, duke e ndryshuar masën e sigurisë, që fillimisht ishte “pezullim nga detyra”.
Në vendimin e kësaj të shtune trupa gjykuese ka lënë në fuqi vendimin arrest me burg edhe për gjyqtaren Enkelejda Hoxha, avokatin Aldo Tabaku dhe të arrestuarit e tjerë.
Masa e sigurisë arrest me burg është dhënë për shtetasit; Manulema Mallakuci, Shkeqlim Korbi, Saimir Petani, Bledar Petani, Altin Skenderaj, Gazmir Nezaj, Gentjan Nezaj dhe Isuf Tanuzi.
Kujtojmë se para marrjes së këtij vendimi, mjeku Edvin Prifti deklaroi se vetë kryeministri mund të ketë urdhëruar arrestimin e tij, duke qenë se Rama e konsideroi si “mjekun e arrestuar” publikisht, përpara se të merrej ky vendim.
