Sot pritet që Gjykata e Posaçme të japë vendimin përfundimtar për ish-kryeprokurorin Adriatik Llalla. Vendimi ndaj ish kryeprokurorit do jepet nga nje trupë kryesuese e përberë nga 3 anëtarë, ku kryesuese është gjyqtarja Nertina Kosova dhe anetarët Milana Muça dhe Dhimitër Lara. Bëhet me dije se avokati mbrojtës i tij Sokol Hazizaj, është shprehur se Llalla është shtruar në spital pasi vuan nga një sëmundje e pashërueshme.
Nëse Gjykata e Posaçme pasi të dëgjojë avokatin e shpall sot vendimin dhe deklaron fajtor Adriatik Llallën, atëherë ky i fundit mund të arrestohet menjëherë. Ish-Kryeprokurori i Përgjithshëm, Adriatik Llalla ka ankimuar dënimin me 2 vite burg në Shkallë të Parë për akuzën e fshehjes së pasurisë në 3 raste. Sot, nëse ai shpallet fajtor nuk përfiton zbritje dënimi nga gjykimi i shkurtuar. Gjithashhtu, ai është përjashtuar për 5 vite nga funksionet publike.
Pasuritë e konfiskuara të ish-kryeprokurorit Llalla: – Apartament banimi, me sipërfaqe 67.2 m², ndodhur në Durrës; Tokë arë, me sipërfaqe 4.500 m², ndodhur në Tiranë; Tokë arë, me sipërfaqe 12.300 m², ndodhur në Tiranë; Tokë arë, me sipërfaqe 3000 m², ndodhur në Tiranë; Tokë arë, me sipërfaqe 2250 m², ndodhur në Tiranë.
