Shkëlzen Kraja, 71 vjeç është autor i aksidentit ku u plagosën dy punonjës te patrullës në Durrës ditën e sotme. Ai ka zbardhur dinamikën e aksidentit i marrë ne pyetje nga prokurori i gatshëm në prokurorinë e qytetit.Ndërkohë, 71-vjeçari në dëshmi ka thënë se ka qenë para banesës së tij ndërsa motori i ka prerë rrugën.
“Isha pranë banesës do kthehesha të fusja makinën në garazh. Nuk kam qenë me shpejtësi, madje isha ngadalësuar, por motori qe udhëtonte me shpejtësi më doli në korsinë time dhe është goditur me parakolp. Motori ka qenë me shpejtësi të lartë dhe pas përplasjes ka goditur edhe një makinë tjetër të parkuar. Makina ime s’ka lëvizur nga vendi.
Shpresoj te bëhen mirë te dy punonjësit e policisë sa më shpejt. Jam prind vetë dhe më vjen shumë keq për të dy. Uroj te bëhen mirë te dy.” Ngjarja ndodhi ditën e sotme rreth mesditës në lagjen numër 4, ku dy efektivë të Forcës së Posaçme “Shqiponja” mbetën të plagosur pasi u përplasën nga një makinë ndërsa ishin me shërbim.
