Një dyqan celularësh ka rënë pre e grabitjes ditën e sotme në Durrës.
Paraprakisht mësohet se një 28 vjeçar me inicialet Sh. Z., është futur në një dyqan e një kompanie celularësh dhe ka marrë me dhunë shumën e parave prej 45.000 lekësh. Ndërkohë, Policia e qytetit bregdetar po punon për kapejn e autorit.
“Specialistët për Hetimin e Krimeve në Komisariatin e Policisë Durrës kanë shpallur në kërkim shtetasin Sh. Z., 28 vjeç, banues në Shijak, pasi është futur në dyqanin e një kompanie celulare dhe i ka marrë me forcë shitëses, 45.000 lekë. Po punohet për kapjen e tij.Materialet i kaluan Prokurorisë, për veprime të mëtejshme”, njofton Policia.
