Mbrëmjen e sotme është grabitur një furrë buke në qytetin e Lezhës. Sipas të dhënave një person i cili është paraqitur si klient i ka marrë shitësit xhiron ditore dhe është larguar.

Një 13-vjeçar është futur në furrën e bukës për të blerë bukë dhe në momentin që shitësja po i shërbente, ai ka arritur të marrë nga arka një shumë parash dhe është larguar. Ndërkohë, policia ndodhet në vendngjarje dhe po punon për sqarimin e rrethanave të saj.

“Lezhë/Informacion paraprak, Rreth orës 21:05, në lagjen “Besëlidhja”, një shtetas i mitur 10 -vjeçar është futur në një furrë buke për të blerë bukë dhe në momentin që shitësja po i shërbente ka arritur të marrë nga arka një shumë lekësh dhe është larguar. Sherbimet e Policisë në vendngjarje po punojnë për sqarimin e rrethanave të ngjarjes”, njofton Policia.