Një 31-vjeçar është arrestuar sot, pasi u kap në flagrancë nga policia duke vjedhur një banesë në lagjen “30 Vjetori” në Berat.
Mësohet se i arrestuari është 31 vjeçari, me inicialet R.P, banues në lagjen “Jani Vruho”, Berat mbi të cilin rendojnë akuzat e vjedhjes, prodhimit dhe shitjes së lëndëve narkotike si edhe mbajtjes pa leje të armëve të ftohta. Sipas policisë bëhet me dije se gjithashtu se gjatë kontrollit fizik 31 vjeçarit i është gjetur një thikë dhe një sasi droge e dyshuar e llojit Cannabis Sattiva.
Njoftimi i plotë i policisë:
Nga Specialistët e Seksionit për Krimet u bë arrestimi në flagrancë i shtetasit:
R.P, 31 vjeç, banues në lagjen “Jani Vruho”, Berat.
Arrestimi i tij u krye pasi u kap nga shërbimet e policisë duke vjedhur në banesën e shtetasit, P.Z, në lagjen “30 Vjetori”, Berat, gjithashtu nga kontrolli fizik që u ushtrua, i’u gjet një thikë dhe një sasi e vogël lëndë narkotike Cannabis Sattiva. Materialet i kaluan Prokurorisë së Rrethit Gjyqësor Berat për veprat penale, “Vjedhje” , “Prodhim dhe shitje të lëndëve narkotike”, “Mbajtja pa leje e armëve të ftohta”, parashikuar nga nenet 134, 283 dhe 279 të Kodit Penal
