Autoritetet greke po hapin një parcelë për zbulimin e eshtrave të ushtarëve të rënë në luftën italo-greke 1940-1941.
Komisioni i përbashkët greko-shqiptar ka urdhëruar hapjen e kësaj parcele të pozicionuar përbri stadiumit të qytetit të Përmetit.
Parcela që po hapet sot parashikohet të shtrihet me një gjatësi 80×40 metra. Në vendngjarje ka përfaqësues nga trupi diplomatik grek i akredituar në Tiranë si dhe juristi i Prefekturës së Gjirokastrës i cili nuk pranoi të jepte informacion pasi nuk ishte i autorizuar.
Grekët pretendojnë se në këtë parcelë ka varre masive të ushtarëve grekë.
Sipas komisionit të përbashkët mendohet të jenë v arrosur mbi 100 trupa por megjithatë kjo do të ngelet për t’u parë gjatë ditëve në vijim ku do të ketë edhe një përqendrim më të madh të kërkimeve.
