Policia greke ka vënë në pranga autorin e dyshuar grek që vrau familjen shqiptare në Andravida të Greqisë. Ai u kap pak pas mesnate në rrugën perimetrike të Patrës. Greku 60-vjeçar me inicialet Dh. B., prind i dy fëmijëve, pronar i banesës ku jetonte çifti shqiptar, Armando dhe Maria Kloci dhe fëmijët e tyre masakroi familjen shqiptare pasi nuk kishin paguar borxhin e qirasë.
Pas marrjes në pyetje, greku autor i dyshuar i vrasjes së familjes shqiptare ka pohuar krimin makabër. Ai tha për oficeret e policisë, se kishte vrarë me armë dy prindërit si fillim, dhe më pas kishte mbytur dy fëmijët e tyre, 2 dhe 3 vjeç. Ndërkohë nga ekspertiza mjekoligjore u konstatua se vrasësi kishte vrarë çiftin me silenciator, pasi asnjë nga fqinjët e tyre nuk kishte dëgjuar të shtëna me armë.
Ai ka përdorur silenciator edhe për të vrarë qentë e shtëpisë, përpara se sa të hynte në banesë dhe të ekzekutojë familjen shqiptare. Mjekja Angeliki Tsiola tregoi detaje tronditëse nga ngjarja makabre.
Tsiola Fëmijët humbën jetën për shkak të pengimit të rrugëve të frymëmarrjes. Mësohet se fëmijët e mitur janë mbytur nga greku pasi ai i mbylli me duart hundën dhe gojën.
Burimi: doureiostupos.gr
Fëmijët e çiftit shqiptar
