Një biznesmen në Greqi ka denoncuar partneren e tij se e ka sulmuar me thikë teksa po kryenin marrëdhënie seksuale.
50-vjeçari kishte shkuar së bashku me partneren në një arë në pronën e saj në Sparta, me makinë për ta ndihmuar me punët bujqësore, por kishin nisur të kryenin marrëdhënie.
Gjatë këtij momenti gruaja e tij e ka goditur me thikë në zemër dhe pjesë të tjera të trupit. Teksa po përpiqej të mbrohej ai kapi thikë me dorë duke prerë tendinat.
Biznesmeni pretendoi se iu lut partneres që ta linte të lirë dhe ajo e dërgoi në spital ku iu nënshtrua një operacioni gjashtë orësh. 43-vjeçarja është arrestuar dhe akuzuar për vrasje të mbetur në tentativë, armëmbajtje dhe përdorim të armës.
Mësohet se ajo i ka thënë policisë se ka goditur me thikë partnerin e saj pa qëllim, pas një debati që kanë pasur mes tyre. Gruaja u lirua në pritje të gjykimit.
“Ajo që kam përjetuar është e vështirë. Jeta ime vazhdon normalisht dhe nuk mund të bëj asgjë tjetër”, tha biznesmeni në një emision grek.
“Dora ime është lënduar, po bëj trajtim për të vënë në lëvizje tendinat. Katër ishin prerë, në të katër gishtat. Instinktivisht kam kapur tehun e thikës dhe më ka dëmtuar dorën”, shtoi ai.
Teksa rrëfeu se çfarë ndodhi ditën e ngjarjes: “Ne jemi takuar në vendin e ngjarjes, kemi pasur marrëdhënie në çift dhe nuk ka pasur asnjë debat. Ishim të qetë dhe të lumtur.”
