Strategjia e fundit e marketingut e zgjedhur prej Gucci-t, edhe pse po kritikohet masivisht në rrjetet sociale, duket se e ka arritur qëllimin që të tërheqë vëmendjen e të gjithëve. Në kulmin e krizës globale, marka e veshjeve të lluksit, ka nxjerrë koleksionin e ri, ku një palë xhinse me njolla bari kushtojnë plot 600 paund.
Strategjia e përzgjedhur duket se po funksionon më së miri, pasi lajmet për Gucci po zënë faqet kryesore të mediave të huaja. Mirëpo nuk dihet sa të përqafohet ky trend te të rinj. Ndërkohë në rrjet kanë nisur talljet me modelin e ri të brandit të madh botëror.
