Më shumë se 1.5 ton djathë janë grabitur nga një fermë qumështi në Holandë. Mediet e huaja raportojnë se djathi është grabitur nga një bandë kriminale e organizuar e cila dyshohet se do e shiste djathin në tregun e zi në Rusi.
Hajdutët grabitën nga ferma 1,600 kilogramë djathë me vlerë 21 mijë euro. Banda mori pothuajse të gjithë djathin nga magazinat me fermerët që thonë se kanë humbur fitime për rreth gjashtë muaj, tha një fermer për RTL Nieuws.
Djathërat e vjedhur kanë një kod unik që do të thotë se nuk ka gjasa të shiten në Holandë.
Frika nga uria
Rusia dhe Ukraina së bashku përbënin përkatësisht rreth 30 për qind dhe 20 për qind të eksporteve globale të grurit dhe misrit, gjatë tre viteve të fundit, sipas FAO. Luftimet e ashpra në Ukrainë vijojnë, në një kohë që ka filluar edhe sezoni i të mbjellave.
Çmimet e grurit u rritën me pothuajse 20 për qind, indeksi i çmimeve të vajit vegjetal të FAO-s u rrit me 23.2 për qind, i nxitur nga kuotimet më të larta për vajin e farës së lulediellit, nga i cili Ukraina është eksportuesi kryesor në botë.
Supermarketet spanjolle kanë racionuar shitjen e vajit të lulediellit për të ndaluar klientët të grumbullojnë rezerva për shkak të frikës së mungesës për shkak të luftës.
Shtetet e Bashkuara kanë akuzuar presidentin rus Vladimir Putin për krijimin e “kjo krizë globale ushqimore”.
Franca ka paralajmëruar se lufta ka rritur rrezikun e urisë në mbarë botën.
Konflikti ka rritur në nivele rekord gjithashtu çmimet e naftës dhe gazit, duke bërë që inflacioni të rritet më tej në të gjithë botën dhe duke ngritur shqetësime se mund të prishë rritjen ekonomike globale.
