Kryeministri Edi Rama ka publikuar në Facebook një video ku tregon se ka nisur fushata e hedhjes së insektit që lufton ‘grerëzën e zezë’ të gështenjave. Kreu i qeverisë tregons e fushata ka nisur ditën e sotme në Reç të Shkodrës, duke theksuar se kjo metodë është e certifikuar nga BE.
“Nisi sot në zonën e Reçit Shkodër, fushata e hedhjes së insektit që lufton ‘grerëzën e zezë’ të gështenjave. Kjo metodë e certifikuar nga BE siguron ruajtjen dhe mirëmbajtjen pa pasur nevojën e përdorimit të kimikateve duke garantuar cilësinë e këtij produkti shumë të kërkuar në tregun vendas dhe ndërkombëtar”, shkruan Rama.
Mësohet se e pranishme në nisje të fushatës ka qenë edhe Ministrja e Bujqësisë Milva Ekonomi, duketheksuar se hedhja e këtyre insketeve duhet të vijojë për një periudhë 5 deri në 7 vite.
“Mbrojtësi biologjik është jo shumë e hapur. Është prodhuar në Amerikë dhe Japoni dhe vjen e shpërndahet në Europë. Beteja për ta siguruar nuk është shumë e lehtë, Shqipëria duhej të ishte përgatitur për këtë gjë. Unë jam angazhuar personalisht ta çoj këtë deri në fund, të gjitha rekomandimet ndërkombëtare thonë që ky mbrojtës duhet ët ketë një vazhdimësi në përhapje 5 deri në 7 vjet”, tha ajo.
