Qeveria pritet të reduktojë nga barra e taksave naftën që përdorin fermerët. Ministri i Bujqësisë dhe Zhvillimit Rural, Bledi Çuçi, gjatë një interviste në medie tha se nisma për të hequr akcizën e naftës do të konkretizohet shumë shpejt.
“Ne jemi duke punuar në këtë drejtim, por po bëjmë disa kalkulime për skemën që do të përdorim dhe shumë shpejt do të japim lajmin e mirë për të gjithë fermerët, të cilët do të lehtësohen nga barra e taksave të karburantit”, tha Çuçi. Ministri tha se do të përfitojnë të gjithë ata që punojnë tokën me makineri.
“Do të përfitojnë të gjithë ata që punojnë tokën me makineri. Kjo kategori do të marrë çmimin e naftës të reduktuar. Nisma do të zbatohet në vitin e ardhshëm”, u shpreh ai./a.gjonaj.Atsh
