Horror në Korçë! Një nënë pasi ka lindur, ka futur të porsalindurin në një valixhe, dhe më pas ai ka ndërruar jetë. Ngjarja ndodhi në lagjen nr.15. raportohet se nëna vuan nga probleme të shëndetit mendor.
Tashmë trupi i foshnjës po i nënshtrohet një ekspertize mjeko-ligjore.
Reagon policia e Korçës pas ngjarjes makabre të zbuluar në lagjen 15, ku një nënë pasi ka lindur fëmijën e ka futur atë në një valixhe dhe si pasojë foshnja ka ndërruar jetë. Ka qenë bashkëshorti ai i cili ka njoftuar policinë pasi ka gjetur foshnjën në valixhe pa shenja jete.
Njoftimi i policisë: Në orët e para të mëngjesit të sotëm, shtetasi K. A., (emigrant në Greqi) ka bërë kallëzim në Komisariatin e Policisë Korçë, se ka gjetur në banesën e tij, në lagjen nr. 15, Korçë, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme. Grupi hetimor po punon për sqarimin e rrethanave dhe dokumentimin e plotë të kësaj ngjarjeje.
