Një aksident me pasojë vdekjen i ka marrë jetën Gjin Kolës në aksin e vjetër Fushë-Krujë–Laç, pranë fshatit Derven.
Sipas informacioneve paraprake, Kola po udhëtonte me motoçikletë kur është përplasur nga një automjet tip “Benz”. Goditja ka qenë fatale dhe ai ka ndërruar jetë në vendngjarje.
Pas aksidentit, drejtuesi i automjetit, Luljan Vena, 24 vjeç, është shoqëruar në Komisariatin e Policisë së Fushë-Krujës, ndërsa po punohet për zbardhjen e rrethanave të ngjarjes.
Policia po heton dinamikën dhe shkaqet e aksidentit, ndërsa dyshohet për një pakujdesi të drejtuesit të veturës, por do pritet edhe ekspertiza auto-teknike për të dalë në konkluzion.
