Persona të paidentifikuar i kanë vënë flakën gjatë natës makinës së ish-drejtorit të OSHE në Tropojë Rrustem Gjonaj.
Makina mtip BENZ me targa AA165 DZ ndodhej në garazh. Rrustem Gjonaj, ish-drejtor i OSHE, tani është këshilltar i majtë në bashkinë e Tropojës. Dyshimet e para janë për shkak të funksioneve që ka patur.
Rrustem Gjonaj
“Më datë 12.10.2018, në lagjen “Dardania”, para banesës, është djegur pjesërisht mjeti tip “Benz”, i shtetasit R.Gj., vjeç 47. Po punohet për sqarimin e rrethanave të rënies së zjarrit”, njofton policia.
Rrustem Gjonaj ka qenë drejtor i OSHE-së në Tropojë në vitet 2014-2015 dhe nga viti 2015-2017 kordinator sigurimeve shoqërore.
Ndërkohë Gjonaj ka thënë se makina e tij është djegur nga persona të paidentifikuar për shka të detyrës së tij.
“Kështu e kam deklaruar edhe në polici. Automjeti im është djegur nga persona të paidentifikuar, për shkak të funksioneve që unë kam pasur. Unë nuk kam konflikte me asnjë njeri”, – është shprehur ish-drejtori i OSHEE, dy herë këshilltar i majtë në Bashki, Rustem Gjonaj.
