Një incident në punë është shënuar paraditen e sotme në kryeqytet. Sipas informacioneve parapraket të policisë, një punëtor është aksidentuar gjatë punës në një kantier ndërtimi në afërsi të Presidencës.Mësohet se njërit prej punëtorëve i ka rënë një gur i madh në kokë teksa ka qenë duke punuar. Menjëherë është bërë transportimi i tij në spital dhe aktualisht është jashtë rrezikut për jetën. Punëtori është identifikuar me inicialet XH.D., 41 vjeç.
Tiranë/Informacion paraprak \Sot, me datë 10.02.2020, rreth orës 11:35, në rrugën ” Ibrahim Rugova”, ku po ndërtohet një pallat i ri, shtetasit Xh.D ., 41 vjeç , punëtor, i ka rënë një gur në trup, i cili është dërguar menjëherë në spital, ku ndodhet jashtë rrezikut për jetën.Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
