Një aksident me motor ka ndodhur pasditen e sotme në afërsi të fshatit Selitë në Cërrik. Një 28-vjeçar i cili udhëtonte me motor, ka humbur kontrollin dhe është rrëzuar.
Si pasojë e aksidentit, është plagosur drejtuesi i motomjetit, shtetasi me iniciale E.H. 28 vjeç. Policia njofton se ai është dërguar menjëherë në spital ku ndodhet në gjendje të rëndë shëndetësore.
Njoftimi i policisë: Rreth orës 14:45, në fshatin Selitë, Cërrik, shtetasi E. H., rreth 28 vjeç, duke drejtuar motomjetin e tij, ka humbur kontrollin dhe është rrëzuar.
Për pasojë është dëmtuar 28 vjeçari i cili u dërgua menjëherë në spital dhe ndodhet në gjëndje të rëndë shëndetësore. Grupi hetimor ndodhet në vendngjarje dhe po punon për sqarimin e rrethanave të aksidentit.
