Qani Sadiku, një nga qëndrestarët e diktaturës komuniste ka ndërruar jetë ditën e sotme. Ai vuajti 20 vite në kampet dhe burgjet e regjimit komunist.
Sadiku është vlerësuar nga Presidenti Ilir Meta me titullin “Kalorës i Urdhrit të Skënderbeut” për qëndresën heroike ndaj diktaturës. Kryedemokrati Lulzim Basha i ka shprehur ngushëllime familjarëve për ndarjen nga jeta të Qani Sadikut, të cilin e cilëson si legjendë të qëndresës antikomuniste.
“Me trishtim mora lajmin e ndarjes së parakohshme të z. Qani Sadiku, legjendë e qëndresës antikomuniste brenda dhe jashtë burgut politik të diktaturës. Ngushëllimet më të ndjera familjarëve, miqve dhe bashkëvuajtësve për këtë humbje. U prehtë në paqe e i paharruar kujtimi i tij!”, shkruan Basha në një postim në “Twitter”.
