Çesk Simoni ka udhëtuar nga Shkodra për të firmosur peticionin e familjes së 8-vjeçarit, Mateo Vasiu, të cilët kërkojnë dënimin me v dekje për Klodian Çalamanin. Historia e tij e ngjashme me familjen e Mateos e ka çuar Simonin në Fier. Në 2002 Simonit i kanë vrarë bashkëshorten Fatmirën dhe djalin tre vjeç.
“Sa herë që ndodhin kështu tragjedish, më kujtohet kjo d himbje. Më kanë mbytur djalin 3 vjeç dhe gruan në krevat. Tani ndodhin kjo tjetra, këto tragjedi përsëriten çdo vit, çdo gjashtë muaj.
Duhet të veprojë drejtësia. Kam ardhur nga Shkodra për t’u ngujuar këtu, nuk do të iki, do të sjell dhe familjarët”-ka thënë ai për mediat.
Në mars të vitit 2002 Sadik Kuniqi shkoi në shtëpinë e mikut të tij, Çesk Simonit, ku gjeti gruan e tij, Mirën, së bashku me djalin e saj 3 vjeç Xhekun. Kuniqi plagosi rëndë gruan e mikut të tij dhe më pas u fut në dhomën e djalit të vogël dhe e theri me një mistri. E plagosur, Mira Simoni dha kujën në ballkonin e shtëpisë së saj, por përpara se të ikte Sadik Kuniqi i dha goditjen fatale. Kur zbriti shkallët e pallatit disa fqinjë të alarmuar e panë dhe i rrëfyen policisë imazhin e tij, Kuniqi u arrestua dy orë më vonë, ndërsa rrëfimi dhe sjellja e tij përpara policisë ishte diçka e padëgjuar më parë.
