Familja e 25-vjeçarit nga Përmeti, Dhimitër Vangjeli, i cili u lëndua në këmbë kur një masiv shkëmbor ra në shtëpinë e tij teksa flinte gjumë ka nevojë për ndihmën e bashkatdhetarëve për kurimin e të riut dhe rindërtimin e shtëpisë së dëmtuar.
Aktualisht i riu ndodhet në një spital të Janinës në Greqi, ku po merr ndihmë mjekësore, pasi gjendja e tij shëndetësore është kritike. 25-vjeçari ishte në gjumë bashkë me bashkëshorten e tij dhe vajzën 2-vjeçare kur një pjesë e shkëmbit u ra mbi çatinë e shtëpisë në fshatin Çarçovë të Përmetit, duke shkatërruar një pjesë të shtëpisë dhe duke lënduar 25-vjeçarin.
Për rrjedhojë familjarët e Dhimitrit, konkretisht motra e tij Ana Vangjeli ka hapur një llogari gofundme, përmes të cilës kërkon ndihmën e qytetarëve për të kontribuar sado pak në shpenzimet e spitalit për vëllanë e saj si edhe pë rshpenzimet për rindërtimin e shtëpisë së dëmtuar nga shkëmbi.
Për të gjithë ata që mund ta ndihmojë Dhimitrin mund të futen në linkun e gofundme.
