Kryeqyteti i Indonezisë është përfshirë nga reshjet e shiut më të mëdha të dekadës javën e fundit. Për shkak të përmbytjeve të shkaktuara, deri tani janë shënuar 47 viktima. Sipas autoritete lokale të gjithë lumenjtë që lagin Xhakartën kanë dalë nga shtretërit e tyre dhe si pasojë janë përmbytur të paktën 182 lagje të qytetit. Një pjesë e njerëzve kanë mbetur të ngujuar për shkak të rrëshqitjeve të dheut.
Një zyrtar i Agjencisë Kombëtare për Menaxhimin e Fatkeqësive tha se rreth 400 mijë njerëz kanë kërkuar strehim në qytetin metropolitan pasi niveli ujit të vërshimeve në disa pjesë ka shkuar në 5.8 metra. Presidenti i Indonezisë, Joko Widodo, ka thënë se kryeqyteti i vendit në dhjetë vjetët e ardhshëm do të caktohet në një vend tjetër për shkak të ngarkesës së madhe të Xhakartës me popullsi.
