Kryepeshkopi i Greqisë Ieronymos është infektuar me koronavirus dhe po trajtohet në Spitalin “Evangelismos”, të Athinës, aty ku ndodhet prej disa ditësh edhe ai i Shqipërisë Janullatos. “Me besim në Zot, ne do të fitojmë” ishte mesazhi i tij i parë nga spitali. Ieronymos po trajtohet për simptoma të lehta të koronavirusit, sipas udhëzimeve të mjekëve.
Ai u diagnostikua pozitivisht të hënën në mbrëmje, ndërsa të shtunën ishte takuar me kryeministrin Kyriakos Mitsotakis. Greqia është mbyllur për shkak të koronavirusit dhe pjesa veriore, veçanërisht Selaniku është zonë e kuqe.
