Programi IPARD II, adreson mbështetje financiare deri në 50% të vlerës së investimit në sektorin e vreshtarisë, prodhimit të verës dhe përpunimin e peshkut.
Arti shqiptar në prodhimin e verës, e ka kthyer këtë biznes në një faktor të rëndësishëm për rritjen e të ardhurave dhe të ekonomisë së vendit.
Industria agropërpunese e verës ka shënuar ndër vite rritje dhe aktualisht mbështetja me fonde nga prograni IPARD II, synon t’i shërbejë rritjes së cilësisë dhe standardeve të verës “Made in Albania”, duke i hapur rrugë edhe një eksporti më të gjerë të saj.
Sipas të dhënave nga dikasteri i Bujqësisë, vitin e fundit, sasia e eksportuar arriti në rreth 200 hektolitra, ndërsa në vend operojnë mbi 250 kantina, pjesa më e madhe e të cilave prodhojnë për tregun vendas.
Megjithatë, segmenti i tregut të verërave po njeh zgjerim dhe mbështetja financiare e IPARD, për investime të reja në këtë sektor, synon të mbështesë zhvillimin e tij.
Edhe peshkimi, është nga sektorët më rezultatet më pozitive në ekonominë e vendit, për sa i përket rritjes së eksporteve me vendet e Bashkimit Evropian dhe më gjerë.
Subvencionimi që adreson programi IPARD II, për investime në përpunimin e peshkut, është një vlerë e shuar në të ardhurat e ekonomisë së vendit. Ndërkohë që krahas mbështetjes financiare qeveria ka shtuar edhe lehtësitë fiskale.
Vitin e kaluar qeveria shqiptare hoqi TVSH-në për mjetet e bordit të anijeve të peshkimit, gjë që solli lehtësira dhe përfitime për rreth 2000 peshkatarë. Po ashtu në Skemën Kombëtare të Mbështetjes Financiare u parashikua për herë të parë masa e subvencionit për sardelet dhe açuget në vlerën prej 200 lekë të vjetra ose 20 lekë për kilogram, e cila do vazhdojë të aplikohet dhe në vazhdim. e.xh/j.p/
