Ish-deputetja e PD-së Jorida Tabaku pas takimeve me biznesit e vogël së bashku me Oriola Pampurin dhe përfaqësues të PD-së në Tiranë, deklaroi se buxheti 2020 nuk është pro-biznes por pro-oligarkë.
“Bizneset vazhdojnë të vuajnë qeverisjen e keqe të Ramës dhe kësaj mazhorance. Ata vuajnë krizën e shkaktuar nga taksat e larta, mungesa e konsumit, gjendja e mjerueshme e qytetarëve dhe abuzimeve të administratës tatimore. Vendi është në kufirin e fundit për shkak të politikave të këqija, në pragun e një depresioni dhe dimri të ftohtë”, tha ajo.
Po ashtu Tabaku shprehet se me projektin e fiskalizimit, bizneset do të jenë të detyruara të paguajnë të paktën 1 mijë euro shtesë.
Po ashtu Tabaku tha se oferta jonë për taksa të ulëta do favorizojë biznesin.
“Oferta jonë për taksa të ulëta, politikë administrative në favor të biznesit dhe shpëtim nga kriza që po robëron dhe zbras Shqipërinë u dëgjua me dëshirë. Tashmë edhe bizneset më skeptike e kanë të qartë që kjo situatë nuk mund të vazhdojë, kjo qeveri nuk punon për bizneset, por për oligarkët”, tha ajo.
