Ilir Beqaj Ish-ministri i Shëndetësisë ngre shqetësim lidhur me situatën e koronavirusit në vend. Ai ngre si problem situatën në lokalet e bregdetit, duke folur me emra dhe hedh akuza për “plagosje me paramendim”.
Beqaj thotë se lufta me Covid-19 është luftë në territor dhe se beteja kryesore këtë javë është në bregdetin e Jonit. “Beach bar më beach bar dhe club më club. 24 orë në çdo ditë. Duke filluar nga prototipët si Nazar e Folie Marine e të gjithë me radhë. Aty po lejohet të ndodhin “plagosje me paramendim”. Aty po sakrifikohet sakrifica 5 mujore e personelit shëndetësor”, shkruan ish-ministri.
Ministria e Shëndetësisë konfirmoi pasditen e së martës, se deri më tani kanë humbur jetën 205 persona, si pasojë e koronavirusit. Aktualisht ne spitalin Infektiv dhe “Shefqet Ndroqi” po trajtohen 124 pacientë të konfirmuar pozitivë me Covid-19, 18 pacientë janë në terapi intensive, 4 prej të cilëve të intubuar.
