Deputetja e opozitës në Kuvend, Elda Hoti ka ndarë me publikun lajmin e trishtë për ndarjen nga jeta të mamasë së saj.Deputetja i ka dedikuar asaj një shkrim prekës të cilin e ka publikuar edhe në rrjetet sociale, bashkë me foton e nënës së saj.
Postimi i plotë:
Pse m’do fort, se je nana ime.
Pse t’du fort, se jam vajza jote.
Këtë ma mësove që të vogël dhe e thonim bashkë gjithmonë.
Do të kujtoj gjithmonë, si bekimin me të madh në jetën time. Dashuria që më dhurove, duart e tua që më rritën dhe përkedhelën, më bënë kjo që jam sot. Paskëm qënë me fat, që u rrita nga një nënë fisnike si ti. Paskëm qënë me fat, që isha e preferuara jote dhe e babës. Paskëm qënë me fat që Zoti më dhuroj një nënë si ti, që ma mbushi shpirtin plot dashuri dhe mirësi. Prehu në paqe e bukura ime, e mira ime, e shtrenjta ime.
Do më mungosh gjithë jetën nana ime!
