Digjen dy automjete gjatë natës në Vlorë. Rreth orës 02:00 është marre njoftim se një makinë po digjet në lagjen “10 korriku” të qytetit të Vlorës.
Zjarrfikësit së bashku me policinë kanë shkuar në vendngjarje, ku kanë bërë të mundur të shuajnë flakët që kishin përfshirë makinën tip “Fiat 500” me targa bullgare në pronësi të F.J.
Flakët kanë përshkuar dhe një makinë tip “Mercedes” e cila ka qenë parkuar pranë makinës tip “Fiat”. Nga këqyrja e vendngjarjes dyshohet se është zjarrvënie e qëllimshme . Policia po punon për zbardhjen e ngjarjes duke marrë dhe kamerat e sigurisë në atë zonë.
Vlorë/Informacion paraprak. Më datën 14.05.2022, në lagjen “10 Korriku” Vlorë, ka marë flakë automjeti tip “Fiat”, në pronësi të shtetasit F. J., 33 vjeç, banues në Vlorë, ku si pasojë e flakëve të këtij mjeti është djegur pjesërisht edhe mjeti tip “Mercedes-Benc”. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
